Приватност и колачиња

Кои сме ние

Braven Studio од Скопје изработува видео реклами и дигитален маркетинг за автосалони. Ние сме одговорни за податоците што ни ги оставаш преку оваа страница. Контакт: +389 78 484 819 или @bravenstud.io на Instagram.

Кои податоци собираме преку формата

• Име на автосалонот
• Твоето име
• Телефонски број
• Веб-страница или Instagram профил, ако го внесеш
• Од каде дојде до страницата, на пример реклама на Facebook, Google или Instagram

Со секоја пријава се зачувува и технички број на пријавата, за да можеме да ја поврземе со мерењето на рекламите (види подолу).

Зошто ги користиме

Само за да те контактираме во врска со пробното видео и понудата што ја бараш. Ги обработуваме врз основа на твојата согласност, која ја даваш со штиклирање во формата. Не ги продаваме и не ги споделуваме со други за нивен маркетинг.

Каде се чуваат и колку долго

Пријавите се зачувуваат во приватна табела во Google Sheets, до која пристап имаме само ние. Ги чуваме додека е потребно за да ти одговориме и да договориме соработка, а најмногу 12 месеци од последниот контакт ако не започнеме соработка. Потоа ги бришеме.

Колачиња и Meta Pixel

Со твоја согласност, на страницата користиме Meta Pixel (Facebook и Instagram). Тој ни помага да видиме дали нашите реклами носат посети и пријави, и Meta да ги прикажува рекламите на луѓе на кои им се релевантни. Кога ќе прифатиш, Meta поставува колаче и добива информации за:

• посета на страницата;
• успешна пријава преку формата, без содржината што ја внесуваш;
• клик на телефонскиот број или на нашите Instagram и Facebook профили.

Ако одбиеш, скриптата на Meta воопшто не се вчитува и ништо не се праќа до Meta. Изборот можеш да го смениш во секое време преку „Поставки за колачиња“ во подножјето. Како Meta ги обработува податоците пишува во политиката за приватност на Meta.

Аналитика без колачиња

За бројот на посети користиме Vercel Web Analytics и Cloudflare Web Analytics. Тие не користат колачиња и не те препознаваат лично; даваат само збирни бројки, на пример колку луѓе ја посетиле страницата.

Твоите права

Имаш право да побараш увид во податоците, нивна исправка или бришење, да ја повлечеш согласноста и да поднесеш приговор. Доволно е да ни пишеш или да се јавиш на контактите погоре. Ако сметаш дека не постапуваме правилно, можеш да поднесеш претставка до Агенцијата за заштита на личните податоци.